ഹബിൾ സ്പേസ് ടെലസ്കോപ്പ് - ഒരു വീണ്ടു വിചാരം.

ഹബിൾ സ്പേസ് ടെലസ്കോപ്പ് പകർത്തിയ ചിത്രമാണിത്. കോടിക്കണക്കിന് വർഷങ്ങൾക്കുമുമ്പ് ഒരു മഹാവിസ്ഫോടനത്തിലൂടെ ഉണ്ടായതാണ് ഈ പ്രപഞ്ചം. 

അനന്തകോടി നക്ഷത്രങ്ങളിൽ ഒന്നുമാത്രമായ സൂര്യൻ - അതിന്റെ കേവലം മൂന്നാമത്തെ ഗ്രഹമായ ഭൂമിയിൽ മൂന്നിലൊന്നായ കരയിൽ വസിക്കുന്ന ഹോമോസാപ്പിയൻസ് ഇനത്തിൽപ്പെട്ട ജീവികൾ ആണല്ലോ നമ്മൾ.

ആദ്യകാലത്ത് പാൻജിയ ഇന്നും പന്തലാസ എന്നും വിഭജിക്കപ്പെട്ട കിടന്നിരുന്ന ഒറ്റ കരയും കടലുമായിരുന്നു ഭൂമി. പിന്നീട് ഭൂകമ്പങ്ങൾ മൂലം പ്ലേറ്റുകൾ അകന്ന് വൻകരകൾ രൂപംകൊണ്ടു . നിർദ്ദിഷ്ട അതിർവരമ്പുകൾക്കുള്ളിൽ രാജ്യങ്ങൾ ഉണ്ടായി. അങ്ങനെ ശിലായുഗവും ലോഹയുഗവും പിന്നിട്ട് ഇപ്പോൾശാസ്ത്ര യുഗത്തിൽ എത്തി നിൽക്കുന്നു.

ഹോമോ സാപ്പിയൻസ് എന്ന ഒറ്റ ജാതിയായി അവർ അവരെത്തന്നെ നാമകരണം ചെയ്തു. എന്നാൽ ഒറ്റ ജാതി പോരാത്തതിനാലാവണം അവർ വിവിധങ്ങളായ ജാതികളും ഉപജാതികളും പടച്ചുണ്ടാക്കി. വിവിധ രാജ്യങ്ങളിലുള്ളവർ ദേശീയതയുടെ പേരിലും രാജ്യത്തിനകത്തുള്ളവർ ജാതി മതത്തിൻറെ പേരിലും സംഘർഷങ്ങൾ ഉണ്ടാക്കിക്കൊണ്ടിരിക്കുന്നു. 

ഈ മഹാപ്രപഞ്ചത്തിൽ ഒരു മൊട്ടുസൂചിയുടെ അത്രപോലും വലിപ്പമില്ലാത്ത ഈ ഭൂമിയിൽ ജീവിക്കാൻ കിട്ടിയ അവസരം പരമാവധി ഉപയോഗപ്പെടുത്തുക. പ്രപഞ്ചത്തിൽ ഒരു പൊട്ടു പോലുമല്ലാത്ത മനുഷ്യന് പ്രപഞ്ചത്തിന്റെ അത്ര വലിപ്പത്തിൽ അഹങ്കാരം ഉണ്ട്. നമുക്ക് കിട്ടിയ ജീവിതം നന്മകൊണ്ട് അടയാളപ്പെടുത്തുക
ഒരു വീണ്ടുവിചാരം ഉണ്ടാക്കിത്തന്ന ഹബിൾ ടെലിസ്കോപ്പ്നും നന്ദി.

നിർത്തുന്നു പ്രിയ കൂട്ടുകാരെ .